APL debyutanti portugaliyalik futbolchiga qiziqish bildirmoqda

"Nottingem Forest"ning navbatdagi transfer maqsadi "Betis" yarim himoyachisi Uilyam Karvalyu. Bu haqda italiyalik jurnalist Fabritsio Romano ijtimoiy tarmoqlarda ma'lum qildi. Qayd etilishicha, “o'rmonchilar”ning portugaliyalik futbolchiga bo'lgan qiziqishi juda yuqori.

Manbaga ko'ra, "Nottingem Forest" bosh murabbiyi Stiv Kuper portugaliyalikning o'yinini juda yaxshi ko'radi. Shu sababli, angliyaliklar "Betis" bilan ehtimoliy transfer borasida muzokaralarni boshlab yuborgan.

Eslatib o'tamiz, Uilyam Karvalyu 2016 yilda Portugaliya terma jamoasi tarkibida Evropa chempioni bo'lgandi. O'tgan mavsumda yarim himoyachi Ispaniya chempionatida ikkita gol urdi va uchta golli uzatmani amalga oshirdi.