"Borussiya" Allening o'rniga hujumchi topdi

"Kyoln" hujumchisi Antoni Modest faoliyatini Dortmundning "Borussiya" jamoasida davom ettirishi mumkin, deb xabar beradi Bild.

Manba bergan xabarga ko'ra, 34 yoshli frantsiyalik futbolchi nemis klubiga avvalroq o'simta tashxisi qo'yilgan Sebastyan Allening o'rniga qisqa muddatga o'rinbosar sifatida taklif qilingan.

Transfermarkt portali Modestni 3 million evroga baholamoqda.

O'tgan mavsumda tajribali hujumchi "Kyoln" tarkibida 35 o'yin o'tkazib, 23 gol urdi va 4 golga assistentlik qildi. Avvallari Modest Frantsiya, Angliya va Xitoy chempionatlarida ham to'p surgan.