"Lokomotiv" futbolchisi Frantsiya chempionatiga ko'chib o'tmoqda

Frantsiyaning "Nitstsa" klubi yarim himoyachi Aleksis Beka-Beka uchun Moskvaning "Lokomotiv" jamoasiga 12 million evro to'laydi. Bu haqda "Chempionat" nashri ma'lum qildi.

Avvalroq, Beka-Beka Rossiyani tark etib, "Nitstsa" bilan shartnoma imzolashdan oldin tibbiy ko'rikdan o'tish uchun Frantsiyaga jo'nab ketgani haqida xabar berilgandi. Yarim himoyachi frantsuz klubining o'rta chizig'ini mustahkamlashdagi ustuvor maqsadi hisoblanadi.

Eslatib o'tamiz, Beka-Beka o'tgan yozda Moskvaning "Lokomotiv" klubi futbolchisiga aylangandi. Frantsiyalik 21 yoshli yarim himoyachi o'tgan mavsumda Rossiya Premer-ligasida 19 o'yinda maydonga tushib, 3 ta golli uzatmani amalga oshirgan. 2022/2023 yilgi mavsumda Beka-Beka Rossiya chempionatining ikkita o'yinida maydonga tushdi.