Vernerning xizmati bir qator klublarga tavsiya qilindi

"Chelsi" hujumchisi Timo Vernerning agenti o'z mijozini xizmatini turli klublarga taklif qilmoqda. Bu haqda jurnalist Nikolo Skira xabar bermoqda.

Manba bergan xabarga ko'ra, 26 yoshli germaniyalik futbolchiga "Yuventus", "Nyukasl" va "Borussiya" (D) jamoalari da'vogarlar qatorida tilga olinmoqda.

Oldinroq Timo Verner jamoani tark etmoqchi ekanligi ma'lum bo'lgandi. Ingliz klubi 26 yoshli futbolchining ketishiga qarshi emas. "Chelsi" uning transferidan 39 million evro ishlab olish niyatida. 2020 yilning iyul oyida “Chelsi” “Leyptsig” jamoasiga futbolchining transferi uchun 53 million evro bergan edi.

Verner o'tgan mavsumda barcha musobaqalarda 37 ta o'yinda 11 ta gol urdi va 6 ta golli uzatmani amalga oshirdi. Uning London klubi bilan shartnomasi 2025 yilda yakuniga etadi. Vernerning transfer narxi 35 million evroga baholangan.