«Barselona» yangi o'yinchilarni ro'yxatdan o'tkazish uchun ba'zi o'yinchilarni sotishi kerak

«Barselona» yozgi transfer paytida shartnoma imzolagan yangi o'yinchilarni ro'yxatdan o'tkazish uchun ba'zi o'yinchilarni sotishi kerak.

"Marca" tarqatgan xabarga ko'ra, yangi o'yinchilar hisobiga "ko'k-anorranglilar"ning maoshlar bilan bog'liq xarajatlari me'yordan oshib ketgan. Bu vaziyatda jamoa yarim himoyachi Frenki de Yong va hujumchi Memfis Depay bilan xayrlashishi kerak bo'ladi. «Barsa» iyul oyi oxiriga qadar ushbu futbolchilarni sotib yuborishni rejalashtirmoqda.

Eslatib o'tamiz, «Barselona» yozda Andreas Kristensen va Frank Kessie bilan erkin agent sifatida shartnoma imzolagan bo'lsa, Rafinya va Robert Levandovskini xarid qildi. Bundan tashqari, klub Serji Roberto va Usmon Dembele bilan imzolagan yangi shartnomalarni ro'yxatdan o'tkazishi lozim. Shuningdek, "Barsa" Jyul Kundeni ham ro'yxatdan o'tkazish masalasini hal etishi zarur.