Veynaldum APLga qaytishdan bosh tortdi

"PSJ" yarim himoyachisi Jorjinio Veynaldum "Everton" taklifini rad etdi. Futbolchi "Roma"ga o'tishga yaqin turibdi.

Veynaldum "PSJ" murabbiylar shtabining yangi mavsumdagi rejalariga kiritilmagan va hozir yangi klub izlash bilan band. "Everton" futbolchiga murojaat qildi, biroq Veynaldum taklifni rad etdi, deb xabar beradi Calciomercato.

Nashrning yozishicha, niderlandiyalik futbolchi “Everton”ning yangi mavsumdagi istiqboliga shubha bilan qaragan. Premer-liganing oldingi mavsumida “Everton” Angliyaning yuqori ligasidagi o'rnini saqlab qolish uchun kurash olib bordi.

O'tgan mavsumda futbolchi Liga 1da 31 ta o'yinda maydonga tushib, 1 ta gol urdi va 3 ta golli uzatmani amalga oshirdi.