"Real" "Ayaks" uchun futbolchisining narxini arzonlashtirmoqchi

"Ayaks" klubi "Real" yarim himoyachisi Martin Edegorga qiziqmoqda. Bu haqda "De Telegraaf" xabar tarqatdi.

Manbaga ko'ra, "Real" 20 yoshli futbolchini 20 mln evroga sotmoqchi edi, ammo endi klub Edegorning narxini arzonlashtirmoqchi.

Joriy mavsumda Edegor ijara asosida Vitess safida o'ynadi. U Leonid Slutskiy qo'l ostida 33 ta o'yinda 8 ta gol urdi va 9 ta golli uzatmani amalga oshirdi.