"Real"ning sobiq futbolchisi La Liganing boshqa klubiga ko'chib o'tdi

"Real"ning sobiq futbolchisi Xose Kalexon "Granada"ga erkin agent sifatida o'tdi, deb xabar beradi Ispaniya klubi rasmiy sayti.

35 yoshli ispaniyalik futbolchining "Granada" bilan shartnomasi kelasi yilning yoziga qadar mo'ljallangan.

So'nggi ikki mavsumni vinger Italiyaning "Fiorentina" jamoasida o'tkazdi. Kalexon o'tgan mavsumda “binafsharanglar” safida A Seriyada 30 ta o'yinda maydonga tushib, 1 ta gol urdi va 2 ta golli uzatmaga mualliflik qilgan.

Eslatib o'tamiz, futbolchi "Real" tarbiyalanuvchisi bo'lib, u "Real" tarkibida jami 77 ta o'yin o'tkazib, 20 ta gol urgan va 7 ta golga assistentlik qilgan.

Qolaversa, Kalexon “Napoli”dagi o'yinlari bilan tanilgan, u bilan ikki marta Italiya kubogi va bir marta mamlakat Superkubogini qo'lga kiritgan.