"Atletiko" Ronalduni o'z safiga qo'shib olishi uchun ikki nafar futbolchisini sotishi kerak

"Atletiko" "Manchester Yunayted" hujumchisi Krishtianu Ronalduning transferi uchun ikki nafar futbolchisini qurbon qilishi mumkin. Jurnalist David Medinaning ijtimoiy tarmoqlarda yozishicha, “matraschilar” Ronalduga joy bo'shatish uchun ikki futbolchisini sotishlari kerak.

"Atletiko" hozirda Ronaldu bilan bog'langan yagona klubdir. Portugaliyalik futbolchi kelasi mavsumda Chempionlar ligasida ishtirok etadigan jamoaga o'tmoqchi. Eslatib o'tamiz, "Manchester Yunayted" Premer-ligani 6-o'rinda yakunladi va eng nufuzli evrokuboklarda ishtirok etmaydi.

Ronaldu avvalroq "Real"da o'ynagan. Portugaliyalik futbolchi faoliyati davomida “Atletiko” darvozasiga 25 ta gol urgan.