"Yuventus" Firmino borasida "Liverpul"ga rasmiy taklif bilan chiqmaganligi ma'lum bo'ldi

"Yuventus" "Liverpul" hujumchisi Roberto Firminoning transferi borasida "Liverpul"ga murojaat qilmagan, deya xabar beradi jurnalist Fabritsio Romano.

Oldinroq Turin klubi rahbariyati 30 yoshli braziliyalik futbolchining transferi uchun 20 million funt (taxminan 23,5 million evro) to'lashga tayyorligi haqida xabar berilgandi.

Futbolchining ingliz klubi bilan amaldagi shartnomasi kelasi yozda yakuniga etadi. Transfermarkt portli Firminoni 35 million evroga baholagan.

Braziliyalik futbolchi o'tgan mavsumda “qizillar” safida 35 ta o'yinda maydonga tushib, 11 ta gol urdi va 5 ta golli uzatmani amalga oshirdi. Firmino 2015 yildan buyon "Liverpul"da to'p suradi.