Yozgi transfer oynasi. "Manchester Siti" har jabhada etakchi

 Beshta klub joriy transfer oynasida tarkibni kuchaytirish uchun 100 million evrodan ortiq mablag' sarfladi. "Bavariya", "Manchester Siti", "Barselona", "Tottenxem" va "Lids".

50+ million evroga xaridlarni 21 ta klub, jumladan, Angliya Premer-ligasining 12 vakili amalga oshirdi.

Madridlik Chempionlar ligasining amaldagi g'oliblari yozgi transfer oynasida eng ko'p pul sarflaydigan 10 talikka kirmaydi. "Real Madrid"ning xarajatlari 80 million evroni tashkil etadi, "qaymoqranglilar" 13-o'rinda, Premer-ligaga yangi kelgan "Nottingem Forest"dan bir pog'ona ortda qolmoqda (81,75 million evro).

Yozgi transfer oynasidagi mablag'lari bo'yicha klublar reytingi

10-o'rin. "Liverpul" - 85,8 million evro

“Liverpul”“Ayaks”dan bor-yo'g'i 200 ming evro ko'p sarflagan. "Qizillar"ning asosiy sarmoyasi Darvin Nunes bo'lib, u uchun 75 million evro berishgan. Urugvaylik haqida ko'p gapirilmoqda, 2 kun oldin hujumchi “Leyptsig”ga qarshi o'rtoqlik o'yinida poker qayd etdi.

9-o'rin. "Borussiya" (Dortmund) - 86 million evro

"Borussiya" Xolandni sotib yubordi, ammo yangi kelganlar: Aller, Adayemi, Shlotterbek, Zyule bilan shartnoma imzoladi. Achinarlisi, Sebesten yaqin orada maydonda ko'rinmaydi. Uning tezroq tuzalib ketishini tilaymiz!

8-o'rin. "Yuventus" - 89,5 million evro

"Yuventus" Federiko Kesani sotib olish bo'yicha uzoq yillik majburiyatini bajardi va Myunxenga jo'nab ketgan de Ligt o'rniga "Torino"dan braziliyalik himoyachi Bremerni xarid qildi.

7-o'rin. “Chelsi” – 94,2 million evro

Bu summa Raxim Sterling va Kalidu Kulibali uchun to'lovlardan iborat bo'lgan, biroq “Chelsi” “Sevilya” bilan Jyul Kundening transferi borasida kelishib olgan bo'lishi mumkin. Tovon puli 60 million evro atrofida bo'ladi, shuning uchun kelishuv rasmiylashtirilgach, "Chelsi" ushbu reytingda ettinchi o'rindan birinchiga ko'tarilishi ham mumkin.

6-o'rin. "Arsenal" - 97,06 mln evro

"Arsenal" uchun qaynoq va ilhomlantiruvchi transfer yozi. "Kanonirlar" allaqachon Gabi Jezus, Fabio Vieyra va okean narigi tomonidagi bir nechta yigitlar bilan shartnoma imzolashdi. Zinchenko transferi bo'yicha rasmiy malumotlar hali to'liq taqdim etilmagani uchun uni hisoblamadik.

5-o'rin. "Tottenxem" - 101,9 million evro

Konte haqiqatan ham "Tottenxem"ni o'zgartiradi, chunki yaqin vaqtgacha "shporlar" yillar davomida transfer bozoriga kira olmasdi, endi esa yangi kelganlar uchun yuzlab illionlar sarfdamoqda. "Everton"dan Risharlison eng qimmat (58 million evro) transfer, lekin Bissuma, Spens ham jamoaga kelishdi. Langle esa ijara asosida London klubida o'ynaydi.

4-o'rin. "Barselona" - 103 million evro

"Barselona"ning katta qarzlari bor, ammo Joan Laporta va-bank ishlatmoqda. Kataloniyaliklar eng faol jamoa bo'lib turipti: Levandovski, Rafinya, Kristensen, Kessie. Xali ular bu ro'yxatni davom ettiradi.

3-o'rin. Lids Yunayted - 105,64 mln evro

O'tgan mavsum oxirida Premer-ligadan tushib ketishiga bir bahiya qolgan "Lids" futbolchilar almashinuvi bo'yicha gigantlar toifasiga kirib oldi. Yangi kelganlar haqida gapiradigan bo'lsak, Yorkshiremenlar allaqachon besh kishi uchun pul to'lashdi: Brenden Aaronson, Luis Sinisterra, Tayler Adams, Rasmus Kristensen va Mark Roka.

2-o'rin. “Manchester Siti” – 108,75 million evro

Angliya chempioni hozircha ikkita kuchli transferni amalga oshirishdi - Erling Xoland va Kalvin Fillips. Shubhasiz, boshqa xaridlar ham bo'ladi. Deylik, endilikda “shaharliklar” himoyaning chap qanotida Aleksandr Zinchenko o'rnini egallashi kerak bo'lgan Mark Kukurelya uchun “Brayton” bilan savdolashmoqda.

1 o'rin. “Bavariya” – 117,5 million evro

Odatda, "Bavariya" pul ishlatishni istamaydi, ammo bu yozda myunxenliklar qoidalarni buzmoqda. "Bavariya" shu paytgacha Evropada transferlar uchun eng ko'p pul sarflagan - De Ligt, Mane va Gravenberh. "Yuventus"dan kelib qo'shilgan De Ligt klub tarixidagi ikkinchi eng qimmat yangi futbolchiga aylandi.

Yozgi transfer oynasidagi daromadlari bo'yicha klublarning reytingi

To'rtta klub o'yinchilarini 100 million evroga sotdi: "Manchester Siti", "Lids" va an'anaviy ravishda top donor klublar "Ayaks" va "Benfika".

14 ta klub 50 million evro va undan ko'p sotuvlar amalga oshirgan. Qizig'i, bu raqamga ispan klublarining hech biri kiritilmagan. La Liganing eng yaxshi vakilining daromadi 37,5 million evroni tashkil etadi, gap “Sevilya” haqida ketmoqda. Biroq, Kunde bo'yicha kelishuv rasmiy tasdiqlanganidan so'ng, Andalusiyaliklar “sotuvchilar” reytingida ko'tariladi.

10-o'rin. “Bavariya” – 67,4 million evro

Levandovski "Barselona"ga 45 million evro evaziga o'tgan va Myunxenda ham bir qancha kichikroq sotuvlar bor: Roka, Richards, Lukas Mi, Xofman.

9-o'rin. “Red Bull Zaltsburg” - 76,44 million evro

Avstriya klubi uchun ajoyib ko'rsatkich, hatto Darko Todorovichni 400 ming evroga sotib olgan Grozniyning“Axmat”i ham bu summaga ozgina hissa qo'shgan. Ammo Brendan Aarons, Karim Adayemi va Rasmus Kristensenning sotuvi klubni boyitdi.

8-o'rin. “Liverpul” – 80,7 million evro

"Liverpul" Darvin Nunesni sotib olish xarajatlarini Sadio Mane, Neko Uilyams, Takumi Minamino, shuningdek, Marko Grujich va Ben Devislarni sotish orqali qopladi.

7-o'rin. "Portu" - 85 million evro

22 yoshli yarim himoyachilar “Portu”ga foyda keltirdi: Vitinya “PSJ”ga 41,5 million evroga, Fabio Vieyra “Arsenal”ga 35 million evroga o'tdi.

6-o'rin. "Monako" - 95 million evro

80 million monegasklar Orelen Tchuameni "Real Madrid"ga sotdi, yana 15 millioni esa kichikroq bitimlar orqali qo'lga kiritildi.

5-o'rin. “Yuventus” – 98,65 million evro

"Keksa sinora" ikkita markaziy himoyachini jami 87 million evroga sotdi: 67 ta "Bavariya" de Ligt uchun to'lagan, 20 ta "Atalanta" Demiralning shartnomasini sotib olgan.

4-o'rin. "Benfika" - 105,3 million evro

Portugaliya bahsida “Benfika” hali ham Darvin Nunesni sotish orqali “Portu”dan oldinda. Qolgan foyda esa unchalik katta bo'lmagan transferlardan kelgan.

3-o'rin. "Lids Yunayted" - 106,75 million evro

Lids ham xaridlar, ham sotish bo'yicha uchlikka kirdi. Ikki etakchi – Kelvin Fillips (“Manchester Siti”) va Rafinya (“Barselona”) sotuvi orqali Yorkshiremenlarga 100 million evrodan ko'proq mablag' keltirildi.

2-o'rin. “Ayaks” – 107,87 million evro

“Ayaks” Lisandro Martines (“Manchester Yunayted”), Rayan Gravenberh (“Bavariya”) va Sebastyan Aller (“Borussiya Dortmund”) bilan xayrlashganidan keyin jiddiy yo'qotishlarga uchradi.

1 o'rin. Manchester Siti - 121,9 mln evro

Sterling plyus Jezus 100 milliondan qimmatga ketdi, shunga qaramay "Arsenal" futbolchisiga aylangan Zinchenkoning transferi hali ro'yxatga qo'shilmadi. Ammo “shaharliklar” allaqachon bir transfer oynasida sotish bo'yicha rekord o'rnatishdi: ular shu paytgacha 100 million evroga futbolchi sotishmagan edi.