"Ayntraxt" o'z futbolchisini sotishga qarshi emas

Frankfurtning "Ayntraxt" klubi himoyachisi Evan N’Dika Sven Botmanning transferi amalga oshmay qolganidan keyin "Milan"ning qiziqish doirasiga tushib qoldi.

"Milan" klubi hali nemislarga rasmiy taklif bilan chiqmagan bo'lsa-da, Frankfurt bu xabarga allaqachon munosabat bildirgan.

"Ko'ramiz nima bo'lishini", - dedi "Ayntraxt" sport direktori Markus Kreshe kamtarlik bilan Frankfurter Rundschau nashriga bergan intervyusida.

Italiya OAVlari bunday javobni “Ayntraxt”ning agar adekvat taklif tushsa, futbolchi bilan xayrlashishga roziligi sifatida baholadi.

N’Dikaning nemis klubi bilan shartnomasi bir yildan keyin tugaydi, shu bois futbolchining narxi milanliklar uchun ancha qulay bo'ladi.