«Manchester Yunayted» qadriga etmagan futbolchi uchun ikki APL klubi kurashga kirdi

«Manchester Yunayted»ning sobiq futbolchisi APLning boshqa bir klubi safiga yo'l olishi mumkin. Xabarlarga ko'ra, Jessi Lingard «Nottingem Forest» jamoasiga qo'shilishga yaqin turibdi.

29 yoshli yarim himoyachi yaqindagina «MYu»ni tark etib, erkin agentga aylangan edi. Lingard uchun, shuningdek, «Vest Xem» ham kurashmoqda.

Futbolchining o'zi uchun «Forest» xavfsizroq variant sanaladi. Chunki APL debyutanti safida «Vest Xem»ga qaraganda raqobat ancha past.