"PSJ" futbolchisi jamoani tark etish niyatida emasligini bildirdi

"PSJ" himoyachisi Presnel Kimpembe rahbariyatga jamoada qolishni xohlashini aytdi.

Avvalroq, Parijliklar "Chelsi" bilan futbolchi transferi bo'yicha muzokaralar olib borayotgani haqida xabarlar tarqalgan edi. Biroq, L’Equipe nashri xabariga ko'ra, futbolchining o'zi "PSJ" rahbarlarini klubni o'zgartirish niyati yo'qligi haqida xabardor qilgan.

Frantsiya OAVlarining qo'shimcha qilishicha, "PSJ" futbolchini ketishga majburlamaydi, ammo rahbariyatga mos keladigan aniq taklif tushsa, u ko'rib chiqiladi. Futbolchining parijliklar bilan shartnomasi ikki yildan keyin tugaydi.

O'tgan mavsumda futbolchi Frantsiya chempionatida 30 ta o'yin o'tkazib, 1 ta gol urgan.