Zinchenko "Arsenal" bilan shaxsiy shartnoma borasida kelishib oldi
/ Kiritdi: BestMaster Ko'rilgan: 78
"Manchester Siti" himoyachisi Aleksandr Zinchenko "Arsenal" bilan shaxsiy shartnoma shartlari bo'yicha kelishib oldi.
Transfer bozori eksperti Fabritsio Romanoning so'zlariga ko'ra, shartnoma 2026 yilning yoziga qadar mo'ljallangan. Oldinroq klublar Zinchenkoning transferi bo'yicha ham kelishib olgani haqida xabarlar tarqalgan edi. Transfer summasi taxminan 35 million evroni tashkil qiladi.
Zinchenko "Manchester Siti"ning asosiy o'yinchisi emas edi. Ukrainalik futbolchi Joau Kanselo bilan asosiy tarkibdan joy olish uchun raqobatlashardi. "Arsenal" bosh murabbiyi Mikel Arteta himoyachiga ko'proq o'yin vaqtini berishi kutilmoqda.
Futbolchi o'tgan mavsumda APLda 15 ta o'yinda maydonga tushib, 4 ta golga assistentlik qilgan.
Bosh sahifaga
149