Frantsiya klubi ukrainalik darvozabonga qiziqish bildirmoqda

Huquqlari Donetskning "Shaxtyor» klubiga tegishli bo'lgan ukrainalik darvozabon Anatoliy Trubinga Evropada talab katta. Bu haqda Score.fr. sayti xabar berdi.

Manbaga ko'ra, darvozabonning transferiga Frantsiyaning "Marsel" klubi qiziqish bildirmoqda. Provansliklar yaqinda jamoani tark etgan Stiv Mandandaga o'rinbosar qidirmoqda.

20 yoshli ukrainalik futbolchining transfer narxi sakkiz million evroga baholanmoqda. Trubinning "konchilar" bilan amaldagi shartnomasi 2024 yilning o'rtalariga qadar amal qiladi.

Ukraina Premer-ligasining o'tgan mavsumida Anatoliy 12 ta o'yin o'tkazib, 8 ta gol o'tkazib yuborgan.