De Yong bitta shart bilan "Bavariya"ga o'tishi mumkin

"Barselona" yarim himoyachisi Frenki de Yong faoliyatini davom ettirish uchun faqat bitta variantni ko'rib chiqmoqda. Sport.es xabariga ko'ra, yarim himoyachi "Bavariya"ga o'tishga tayyor.

Manbaga ko'ra, niderlandiyalik futbolchini nemis jamoasining o'yin uslubi o'ziga tortmoqda. Unga “Bavariya”ning Chempionlar ligasidagi ambitsiyalari, shuningdek, Germaniyaning Niderlandiyaga yaqinligi ham yoqadi.

Agar klub himoyachi Matteys de Ligt transferini amalga oshirsa, Frenki Bundesliga chempioni safiga o'tishga tayyor bo'ladi. De Yong va Matteys Amsterdamning "Ayaks" klubida birga o'ynashgan.

Frenki 2019 yilning yozidan beri "Barselona" safida o'ynamoqda.