"MYu" Ronalduni o'rniga Dembeleni olib kelmoqchi

"Lion" hujumchisi Mussa Dembelega Angliya Premer-ligasining ikki klubi qiziqish bildirmoqda. Si nashrining xabariga ko'ra, 26 yoshli frantsiyalik futbolchi uchun kurashda "Arsenal" va "Manchester Yunayted" klublari to'qnash kelishadi.

“Qizil iblislar” Dembeleni kelasi yozda klub bilan shartnomasi nihoyasiga etadigan portugaliyalik Krishtianu Ronalduga muqobil variant sifatida ko'rmoqda.

"Kanonirlar" esa yaqinda braziliyalik Gabriel Jezus bilan shartnoma imzolaganiga qaramay, Mussaga qiziqish bildirishmoqda.

Dembele o'tgan mavsum Frantsiya chempionatida 30 ta o'yinda maydonga tushdi. Uning hisobida 21 ta gol (5 tasi penaltidan) va 4 ta golli uzatma bor.