Rasman! «Bavariya» Levandovski «Barselona»ga transfer qilinganini e'lon qildi

«Bavariya» hujumchisi Robert Levandovski faoliyati «Barselona»da davom ettiradi. Bu haqda myunxenliklar rasmiy sayti xabar tarqatdi.

Manbaga ko'ra, klublar o'zaro kelishuvga erishishgan. Futbolchi kataloniyaliklar bilan shaxsiy shartnoma borasida kelishib olishi kerak.

Levandovski o'tgan mavsumda barcha musobaqalar doirasida 46ta o'yinda ishtirok etib, 50 gol va 7 assist muallifiga aylangandi. «Barselona» polshalik o'yin uchun 45+5 million evro to'laydi. Ma'lumotlarga qaraganda, Levandovskining "ko'k-anorranglilar" safidagi maoshi soliqlar chiqarib tashlanganidan so'ng 14,4 million evroga teng bo'ladi. Bu esa uning "Bavariya"dagi maoshiga nisbatan taxminan 30 foizga kam demakdir.