"Manchester Siti" Zinchenkoni sotsa o'rniga boshqa himoyachini o'z safiga qo'shib oladi

"Manchester Siti" hozirda "Brayton" to'p surayotgan himoyachi Mark Kukurelya uchun 60 million evro to'lashga tayyor emas, ammo himoyachi Aleksandr Zinchenko "Arsenal"ga sotilsa, vaziyat o'zgarishi mumkin. Bu haqda italiyalik insayder Fabritsio Romano ijtimoiy tarmoqlarda xabar berdi.

Eslatib o'tamiz, Zinchenko transfer oynasida “Arsenal” bosh murabbiyi Mikel Artetaning asosiy maqsadi hisoblanadi. Ispaniyalik mutaxassis ukrainalik markaziy yarim himoyachi bilan birga ishlamoqchi.

Zinchenkodan tushgan mablag' "Manchester Siti"ga o'tishni orzu qilayotgan Kukurelyani transfer qilish uchun ishlatilishi mumkin.