"MYu" Dzanolo uchun kurash olib borishga tayyor

"Manchester Yunayted" "Roma" vingeri Nikolo Dzanologa qiziqish bildirmoqda, deya xabar beradi La Gazzetta dello Sport.

Manba bergan xabarga ko'ra, ingliz klubi rahbariyati hali "Roma" bilan muzokaraga kirishmagan va shunchaki futbolchi atrofidagi vaziyatni kuzatmoqda.

Avvalroq, 23 yoshli italiyalik futbolchi "Yuventus"ga o'tish niyatida ekani xabar qilingandi. Biroq turinliklardan farqli o'laroq, "mankunianliklar" "Roma"ning barcha moliyaviy talablarini darhol qondirishga qodir.

Dzanolo o'tgan mavsumda Rim klubi safida 42 ta o'yinda maydonga tushib, 8 ta gol urdi va 9 ta golli uzatmani amalga oshirdi.

Portal Transfermarkt Italiya terma jamoasi futbolchisini 33 million evroga baholamoqda.