"Arsenal" o'z safiga ispaniyalik himoyachini qo'shib olmoqchi

"Arsenal" "Anderlext" himoyachisi Serxio Gomesga qiziqish bildirmoqda, deya xabar beradi jurnalist Fabritsio Romano.

Manbaga ko'ra, agar yangi futbolchi sotib olinsa, "kanonirlar"ning 22 yoshli himoyachisi Nuno Tavares klubni tark etishi mumkin. Oldinroq "Arsenal" ham "Manchester Siti" futbolchisi Aleksandr Zinchenkoga qiziqish bildirayotgani haqida xabarlar tarqalgan edi.

21 yoshli ispaniyalik futbolchi o'tgan mavsumda Belgiya klubi safida 49 ta o'yinda maydonga tushib, 2 ta gol urdi va 3 ta golli uzatmani amalga oshirdi.

Transfermarkt portali Ispaniya yoshlar terma jamoasi futbolchisini 10 million evroga baholadi.