"Manchester Siti" futbolchisi Londonga ko'chib o'tishi mumkin

Aleksandr Zinchenko yozgi transfer oynasida klubini o'zgartirishi mumkin. The Athletic xabariga ko'ra, Xosep Gvardiola himoyada chap qanotdan foydalanayotgan ukrainalik yarim himoyachiga "Arsenal" qiziqmoqda.

London klubi "Manchester Siti" bilan muzokaralar olib bormoqda va bu kelishuv ustida ishlamoqda. "Shaharliklar" mos taklif olgandan keyin Zinchenkoni sotishga tayyor. Shu bilan birga, "kanonirlar" hali 25 yoshli futbolchi bilan shaxsiy shartnoma shartlari bo'yicha kelisha olishmagan.

Transfermarkt ekspertlari Zinchenkoni 25 million evroga baholamoqda.