"Shaxtyor"ning sobiq futbolchisi o'z vataniga qaytdi

Donetskning “Shaxtyor” klubidagi o'yinlari bilan tanilgan braziliyalik yarim himoyachi Aleks Teysheyra vataniga qaytdi. "Vasko da Gama" 32 yoshli futbolchining yangi klubiga aylandi, bu haqda klub rasmiy sayti xabar bermoqda.

Tomonlar o'rtasidagi shartnoma joriy yilning oxirigacha mo'ljallangan. Eslatib o'tamiz, Teysheyra "Vasko da Gama" futbol akademiyasi tarbiyalanuvchisi hisoblanadi.

Braziliyalik futbolchi 2010 yildan 2016 yilgacha "Shaxtyor"da o'ynagan. "Konchilar" bilan birgalikda besh marta Ukraina chempioni bo'ldi. Shundan so'ng Aleks Xitoy chempionatiga o'tdi va u erda "Tszyansu Sunin" jamoasida o'ynadi. U 2021/2022 yilgi mavsumni “Beshiktosh Istanbul” safida o'tkazgan.