"Arsenal" "Leyptsig" himoyachisini o'z safiga qo'shib olmoqchi

"Leyptsig" himoyachisi Yoshko Gvardiol "Arsenal"ning nishoniga tushdi.

"Kanonirlar" bosh murabbiyi Mikel Arteta chap qanotda Kiran Tirniga raqib bo'ladigan himoyachi qidirmoqda. "Arsenal" avvalroq "Ayaks" futbolchisi Lisandro Martines bilan muzokaralar olib borgan, biroq futbolchi "Manchester Yunayted"ga o'tishni xohlayapti. Endi London klubi e'tiborini himoya markazida va qanotda teng darajada yaxshi o'ynaydigan Gvardiolga qaratdi. 20 yoshli futbolchiga "kanonirlar"dan tashqari "Manchester Siti" ham qiziqish bildirmoqda.

Gvardiol o'tgan mavsumda Bundesligada 29 ta o'yinda maydonga tushib, 2 ta gol urdi va 2 ta golga assistentlik qildi.