Rasman. «Barselona» Trinkauni ijaraga berdi

«Barselona» yarim himoyachisi Fransishku Trinkau yana ijaraga berildi. Bu haqda "ko'k-anorranglilar" rasmiy sayti xabar tarqatdi.

Portugaliyalik futbolchi yangi mavsumni o'z vatanida o'tkazadigan bo'ldi. «Sporting» klubi 22 yoshli futbolchini bir yilga ijaraga oldi. Lissabonliklar keyingi yili Trinkauning transfer huquqini to'liq sotib olishlari mumkin. Eslatib o'tamiz, ushbu futbolchi Portugaliyaning boshqa jamoasi — "Braga" tarbiyalanuvchisi hisoblanadi.

Trinkau o'tgan mavsumni «Vulverxempton» safida o'tkazgandi. Angliyaliklar uni sotib olmaslikka qaror qilishdi.