"Atletiko" Vitselni tanishtirdi (foto)

Madridning "Atletiko" klubi belgiyalik yarim himoyachi Aksel Vitselni jamoa o'yinchisi sifatida rasman tanishtirdi. Belgiyalik futbolchi "matraschilar" safiga Dortmundning "Borussiya" jamoasidan erkin agent sifatida ko'chib o'tdi.

Avvalroq, futbolchi va klub o'rtasidagi shartnoma 2022/2023 yilgi mavsum oxirigacha imzolangani xabar qilingandi. Futbolchi 20-raqam ostida o'ynaydi.

Eslatib o'tamiz, Vitsel 2018 yildan 2022 yilgacha Dortmundning "Borussiya" klubi safida to'p surgan va 144 uchrashuvda 13 ta gol urgan va 6 ta golli uzatmani amalga oshirgan.

2021/2022 yilgi mavsum yakunida "Atletiko" Ispaniya chempionatida turnir jadvalida uchinchi o'rinni egalladi. "Real Madrid" mamlakat chempioniga aylandi.