"Chelsi" hammasini hal qildi

"Chelsi" yangi hujumchi sotib olish borasida kelishuvga erishdi. Xabarlarga ko'ra, "Manchester Siti" futbolchisi Rahim Sterling 47,5 million funt evaziga London jamoasiga yo'l oladi.

27 yoshli Angliya terma jamoasi a'zosi "Chelsi" bilan shaxsiy shartlarni kelishib olgan. Endilikda u 5 yillik bitim imzolashga yaqin turibdi. Keltirilishicha, hammasi rejadagidek ketsa, Sterling yangi klubi bilan AQShga, mavsumoldi o'yinlari uchun birga boradi.

Rahim Sterling "shaharliklar" safida jami 339 ta o'yinda maydonga tushib, 131 gol urishga erishgan.