Dibalaning agentlari muzokara o'tkazish uchun Londonga etib keldi

Hujumchi Paulo Dibala faoliyatini Angliya Premer-ligasida davom ettirishi mumkin. "Inter"ga o'tishini kutishdan charchagan argentinalik futbolchi faoliyatini davom ettirish uchun boshqa variantlarni ko'rib chiqishga qaror qildi, deb xabar beradi Tuttomercato.

Qayd etilishicha, Dibalaning agentlari argentinalik hujumchi xizmatlariga faol qiziqish bildirayotgan "Manchester Yunayted" bilan muzokaralar uchun bugun Londonga etib kelishgan.

Eslatib o'tamiz, "Inter" hali ham Dibalani qo'lga kiritish uchun urinishlarini qoldirmayapti. "Neradzurrilar" maosh tufayli argentinalik futbolchi bilan hali shartnoma imzolay olmayapti, ammo Milan Shkrinyar "PSJ"ga sotilganidan keyin vaziyat o'zgarishi mumkin.