"Chelsi" xo'jayini "Barselona" bilan transfer bo'yicha kelishuvga erishganini tasdiqladi

"Chelsi" xo'jayini Todd Byoli kecha Kataloniyaga tashrifi chog'ida uning klubi "ko'k-anorranglilar" bilan transfer borasida kelishuvga erishganini tasdiqladi. Bu haqda jurnalist Jerar Moreno xabar bermoqda.

Eslatib o'tamiz, "Chelsi" va "Barselona" hozirda o'zaro bir vaqtning o'zida bir nechta bitimlarni amalga oshirishmoqda. “Ko'k-anorranglilar” "Chelsi"dan ikki nafar ispaniyalik himoyachi – Markos Alonso va sardor Sezar Aspilikuetani sotib olmoqchi. "Chelsi" esa yarim himoyachi Frenki de Yong va himoyachi Serjino Destni o'z safiga qo'shib olishni maqsad qilgan.

Eslatib o'tamiz, ikkala klub ham kelajagi bugun hal qilinishi kerak bo'lgan "Lids" vingeri Rafinya Dias uchun kurash olib bormoqda.