Rasman! "Krasnodar" futbolchisi A Seriyaga ko'chib o'tdi

Italiya OAVlari futbolchining yangi jamoaga erkin agent sifatida qo'shilganini xabar qilishmoqda. Botxeym "Salernitana" jamoasi bilan 2026 yilning yozigacha shartnoma imzoladi.

Erik Botxeym yanvar oyida "Budyo-Glimt" klubidan "Krasnodar" safiga kelib qo'shilgandi, biroq "Krasnodar" klubida bitta ham o'yin o'tkazishga ulgurmadi.

May oyida futbolchi “Krasnodar” bilan shartnomani bir tomonlama bekor qilgan, natijada Rossiya jamoasi Sport arbitraj sudiga murojaat qilgandi.

O'tgan mavsumda "Salernitana" chempionatda 17-o'rinni egallab, Italiya A Seriyasidagi o'rnini saqlab qola oldi.