"Chelsi" "Barselona" futbolchisiga qiziqish bildirmoqda

"Chelsi" "Barselona" himoyachisi Serjino Destga qiziqish bildirmoqda.

London klubida qanot himoyachilari bilan noaniq vaziyat yuzaga keldi. Rays Jeyms va Ben Chiluell vaqti-vaqti bilan jarohat olishmoqda, Sezar Aspilikueta va Markos Alonsolar esa Kataloniya klubining transfer bozoridagi maqsadi hisoblanadi.

Boshqa tomondan, "Barselona" bosh murabbiyi Xavi Destni asosiy tarkib o'yinchisi sifatida ko'rmasligini aytdi. Avvalroq, "Barselona" Destni 20 million evro evaziga qo'yib yuborishga tayyorligi haqida ham ma'lumotlar bor edi.

Futbolchi o'tgan mavsumda La Ligada 21 o'yin o'tkazib, 3 ta golli uzatmani amalga oshirgan.