Ten Xag de Yongni "MYu"ga olib kelish uchun qo'lidan kelgan barcha ishni qiladi

Transfer bozori bo'yicha ekspert Fabritsio Romano "Manchester Yunayted" Frenki de Yongning transferi hali hal qilinmagani haqida ma'lumot tarqatdi.

"Joan Laportaning o'yinchi mutlaqo sotilmaydi, degan fikrga ortiqcha ahamiyat bermang, chunki rasmiy bayonotlardan tashqari "Manchester Yunayted" va "Barselona" bevosita aloqada", - dedi Romano.

Uning qo'shimcha qilishicha, klublar asosiy masalalar bo'yicha kelishib olishgan va transfer tafsilotlariga oydinlik kiritishgan.

"Shaxsiy shartlar muhokama qilinmadi, chunki de Yong "Barselona"da qolishni va Chempionlar ligasida o'ynashni xohlaydi. Biroq, Erik ten Xag yaqin kunlarda futbolchining fikrini o'zgartirish uchun qo'lidan kelganicha harakat qiladi", - deya qo'shimcha qildi Romano.