"Lion" Lyakazett va Tolissolarni ortidan Pyanichni ham ortga qaytarmoqchi

RMC xabariga ko'ra, "Lion" "Barselona" yarim himoyachisi Miralem Pyanichga qiziqish bildirmoqda. Avvalroq, bosniyalik futbolchi 2008 yildan 2011 yilgacha "Lion" safida to'p surgan.

Pyanichning "Barselona" bilan amaldagi shartnomasi 2024 yilgacha mo'ljallangan. Transfermarkt  portali yarim himoyachini 11,5 million evroga baholamoqda.

Pyanich o'tgan mavsumda "Beshiktosh" safida ijara asosida o'ynagandi. U 26 ta o'yinda maydonga tushib, 4 ta golli uzatmani amalga oshirdi.

Eslatib o'tamiz, joriy yilning yozida "Lion" ikki nafar sobiq futbolchilari - Aleksandr Lyakazett va Korentin Tolissolarni ortga qaytargan edi.