"Arsenal" Frantsiya chempionatidagi hujumchini o'z safiga qo'shib olishi mumkin

“Lill” hujumchisi Edon Jegrova faoliyatini Angliyada davom ettirishi mumkin.

Jurnalist Arlind Sadikuning yozishicha, "Arsenal" 23 yoshli shveytsariyalik futbolchi uchun rasmiy taklif bilan chiqqan. Futbolchi yanvar oyida "Bazel"dan ko'chib o'tganidan keyin "Lill"dagi o'yini bilan ingliz klubini hayratda qoldirdi.

O'tgan mavsumda Jegrova Frantsiya chempionatining 12 ta o'yinida maydonga tushib, 2 ta gol urdi va 1 ta golli uzatmani amalga oshirdi.

Eslatib o'tamiz, yanvar oyida "Lill" Jegrova uchun taxminan 7 million evro to'lagan edi. Futbolchi bilan 2026 yilgacha mo'ljallangan shartnoma imzolangan.