APLning ikki klubi turkiyalik futbolchiga ko'z tikmoqda

Turkiyaning “Lill” klubi yarim himoyachisi, Moskvaning TsSKA jamoasida ijara asosida to'p surgan Yusuf Yazidji faoliyatini Tumanli Albionda davom ettirishi mumkin. Sabah Spor nashri xabariga ko'ra, yarim himoyachining Premer-ligada ikkita varianti bor.

Manba bergan xabarga ko'ra, 25 yoshli turkiyalik futbolchining transferiga APLga qaytgan "Nottingem Forest" va "Fulxem" klublari qiziqish bildirmoqda. "Lill" o'z navbatida Yusuf uchun 13,5 million evro taklif qilsa, undan xayrlashishga tayyorligini bildirdi. Hozirda tomonlar kelishuv tafsilotlarini muhokama qilmoqda.

Yazidji o'tgan mavsumning ikkinchi yarmini TsSKA safida ijara asosida o'tkazdi. U 12 ta uchrashuvda qatnashib, sakkizta gol urdi va ikkita golli uzatmani amalga oshirdi.