"Inter" Dibalani qachon o'z safiga qo'shib olishi mumkinligi ma'lum qilindi

Milanning "Inter" klubi rahbariyati Paulo Dibalani o'z himoyachisi Milan Shkrinyarni "PSJ"ga sotgandan keyingina o'z safiga qo'shib olishi mumkin bo'ladi. Bu haqda Italiyaning La Gazzetta dello Sport nashri xabar bermoqda.

Manba bergan xabarga ko'ra, "Inter" sport direktori Juzeppe Marotta futbolchidan klub Milan Shkrinyarni "PSJ"ga sotish bo'yicha shartnoma tuzguncha kutishni so'ragan, "neradzurrilar" Shkrinyarni transferidan taxminan 70 million evro ishlab olishi rejalashtirilmoqda.

Eslatib o'tamiz, "Inter" hozirda moliyaviy muammolarga duch kelmoqda, shu sabab klub kamida ikkita futbolchisini sotishga majbur. Jamoani Shkrinyardan tashqari himoyachi Stefan de Vrey ham tark etishi mumkin.