"PSJ" futbolchisi A Seriyaning top-klubi safiga o'tishga tayyor ekanligini bildirdi

"PSJ" himoyachisi Abdu Diallo Italiya A Seriyaning top-klubiga o'tishga tayyor. Jurnalist Adrien Grenening xabar berishicha, futbolchi "Milan"ga o'tishni o'ylamoqda.

"PSJ" rahbariyati avvalroq futbolchiga jamoaning kelajakdagi rejalariga kiritilmaganini ma'lum qilgandi. O'z vaqtida futbolchini Parijga hozirda Londonning "Chelsi" klubini boshqarayotgan Tomas Tuxel olib kelgan.

Eslatib o'tamiz, "Milan" avvalroq "Lill" futbolchisi Sven Botmanni o'z safiga qo'shib olish uchun kurashda "Nyukasl" imkoniyatni qo'ldan boy bergandi. Endilikda “rossonerlar” bu pozitsiyani mustahkamlash uchun muqobil variantlarga e'tibor qaratishga majbur.