Bremerning agenti Milanga etib keldi

"Torino" himoyachisi Gleyson Bremerning agenti Milanga etib keldi. Jurnalist Andersino Markesning xabariga ko'ra, yaqin orada futbolchining vakili "Inter" bilan muzokaralar olib boradi.

Eslatib o'tamiz, "Inter" o'tgan mavsumda Italiya A Seriyasining eng yaxshi himoyachisi deb topilgan Gleyson Bremerni o'z safiga qo'shib olishga ancha vaqt urinib ko'rdi.

"Neradzurrilar" hali futbolchi uchun zarur bo'lgan 40 million evroni to'lashga tayyor emas, shu bois braziliyalik futbolchining boshqa jamoaga o'tishi xavfi saqlanib qolmoqda. Bremerning o'zi allaqachon "Torino"ni tark etib, keyingi mavsumda Chempionlar ligasida o'ynaydigan jamoada o'ynashni istayotganini aytib o'tgan.