"Barselona" futbolchisi Portugaliya chempionatiga o'tishga yaqin turibdi

"Barselona" yarim himoyachisi Fransishku Trinkan Portugaliyaning "Sporting" klubiga ijaraga o'tishga yaqin turibdi.

Futbolchi o'tgan mavsumni ham ijara asosida "Vulverxempton"da o'tkazdi. Kataloniya klubiga qaytganidan so'ng, "Barselona" bosh murabbiyi Xavi futbolchiga uning xizmatlariga muhtoj emasligini aytdi.

"Sporting" va "Barselona" o'rtasidagi muzokaralar bir necha haftadan beri davom etmoqda va hozir yakunlanish arafasida. "Sporting"da Trinkanni ijara muddati tugagach, 20 million evro evaziga sotib olish imkoniyati bo'ladi.

Futbolchi o'tgan mavsumda APLda 28 ta o'yinda maydonga tushib, 2 ta gol urdi va 1 ta golli uzatmani amalga oshirdi.