Rasman! "Yuventus" darvozaboni Portugaliya klubiga ko'chib o'tdi

"Yuventus"ning urugvaylik yosh darvozaboni Franko Isroil rasman Lissabonning  "Sporting" klubiga ko'chib o'tdi.

Lissabon jamoasi matbuot xizmati xabariga ko'ra, 22 yoshli urugvaylik darvozabon "Sporting" bilan rasman shartnoma imzolagan. Isroilning Portugaliya klubi bilan shartnomasi 5 yilga mo'ljallangan. Qayd etish joizki, yangi shartnomaga ko'ra, darvozabon uchun tovon puli 45 million evroni tashkil etadi.

O'tgan mavsumda Franko Isroil "Yuventus"ning ikkinchi jamoasi tarkibida Italiya uchinchi divizionida 28ta o'yin o'tkazdi va shulardan ikkitasida o'z darvozasi dahlsizligini saqlab qoldi.