"Barselona" va "Manchester Yunayted" deyarli kelishib oldi

"Barselona" va "Manchester Yunayted" Frenki de Yong borasida deyarli kelishib olishdi, ammo ingliz klubi taklifni biroz o'zgartirishi kerak.

Klublar transferning umumiy qiymati – bonuslarni hisobga olgan holda taxminan 87 million evro bo'yicha kelishuvga erishib bo'lgan. Kelishmovchilik faqat kafolatlangan to'lovlar miqdorida: "Manchester Yunayted" 65 million va 22 millionni bonus sifatida taklif qilmoqda, "Barselona" esa 75 million va yana qolgan 12 millionni bonus sifatida olishni kutmoqda, deb yozadi jurnalist Jerar Romero. Ushbu talab qondirilgan taqdirda “qizil iblislar”ning taklifi qabul qilinadi.

"Ko'k-anorranglilar" ustozi Xavi Ernandes Frenki de Yong sotilsa "Manchester Siti"dan Bernardu Silvani sotib olishini kutmoqda.