«Barselona» nima uchun Frenki De Yongni sotishni istayotgani ma'lum bo'ldi

Taniqli jurnalist Jerar Romero «Barselona» yarim himoyachisi Frenki de Yongning «Manchester Yunayted»ga transferi bilan bog'liq ba'zi ma'lumotlarni oshkor etdi.

"Barsa" avvalo iqtisodiy sabablarga ko'ra niderlandiyalik futbolchini sotishni ko'zlamoqda. Gap shundaki, kataloniyaliklar 2026 yilga qadar De Yongga jami 89 million evro to'lashi kerak. Bunga maoshlar va bonuslar kiradi. Yarim himoyachi avvalgi mavsumlarda maoshining kamayishiga rozi bo'lgani uchun to'lanmay qolgan summani keyingi yillarda qo'shib olishi ko'zda tutilgan. "Ko'k-anorranglilar" uchun mazkur summa og'irlik qiladi.

Shuning uchun "Barselona" uni sotib yuborishni istamoqda. Futbolchining o'zi esa "MYu"ga o'tishni istamayapti.