"Yuventus" "Roma" futbolchisini ijaraga olmoqchi

"Yuventus" "Roma"ning hujumkor yarim himoyachisi Nikolo Dzanoloni ijaraga olishga tayyor. Bu haqda insayder jurnalist Nikolo Skira xabar bermoqda.

Avvalroq, "Yuve" Dzanoloning to'liq transferini tashkil qilishga urinib ko'rgan, biroq, rimliklar bu taklifga rozi bo'lmagan. Endi turinliklar boshqa tomondan futbolchini o'z safiga qo'shib olishga harakat qilib ko'radi.

"Yuventus" "Roma"ga 10 million evro to'lab, Dzanoloni ijaraga olishga tayyor. Taxminlarga ko'ra, kelasi yili "byankonerlar" Dzanoloning shartnomasini "Roma"dan sotib olishi mumkin.