"Arsenal" "Latsio" futbolchisi uchun yangi taklif tayyorlamoqda

Londonning “Arsenal” klubi “Latsio” yarim himoyachisi Sergey Milinkovich-Savichga qiziqish bildirmoqda.

Italiyaning Il Messagero nashri xabariga ko'ra, "kanonirlar" tez orada "burgutlar"ga serbiyalik yarim himoyachining transferi bo'yicha yangi taklif bilan chiqishadi.

Avvalroq, "Latsio" "Arsenal"ning 55 million evrolik taklifini rad etgandi. Endi "kanonirlar" Milinkovich-Savich uchun 60 million evro taklif qilmoqchi, bu esa "Latsio" ishlab olmoqchi bo'lgan summaga yaqinroq.

Eslatib o'tamiz, Milinkovich-Savichning "Latsio" bilan shartnomasi bir yildan keyin tugaydi.