"Chelsi" Chexiyaning eng yaxshi futbolchisini o'z safiga qo'shib oldi

26 yoshli chexiyalik ayol futbolchi Katerina Svitkova "Chelsi"ga o'tdi, deb xabar beradi klub rasmiy sayti. "Ko'klar" safida Svitkova 13-raqam ostida to'p suradigan bo'ldi.

Yarim himoyachi 2020 yildan buyon “Vest Xem” safida to'p surdi va u erda 34 ta o'yin o'tkazib, 5 ta gol urdi. Bungacha chexiyalik ayol futbolchi Praganing “Slaviya” jamoasida o'ynagan va u erda 177 ta o'yinda 188 ta gol urib, 2016/2017 va 2017/2018 yilgi mavsumlarda Chexiya birinchi divizionining eng yaxshi to'purariga aylangandi.

2015-2020 yillar oralig'ida Svitkova to'rt marta Chexiyada yilning eng yaxshi futbolchisi deb topilgan.

Futbolchi xalqaro miqyosda 31 uchrashuvda ishtirok etib, 17 ta gol urgan.

"Chelsi"ga o'tish haqida Svitkova shunday dedi: "Mening orzum ushlandi! Men bolaligimda ushbu jamoani muxlisasi edim va ushbu klubda o'ynashni xohlardim hamda bu ajoyib imkoniyatni juda qadrlayman."