"Arsenal" shu hafta "Ayaks" bilan Martines borasida muzokara o'tkazadi

"Arsenal" bu hafta "Ayaks" bilan himoyachi Lisandro Martinesni sotib olish bo'yicha yana bir uchrashuv o'tkazmoqchi.

Argentina terma jamoasining 24 yoshli futbolchisi joriy mavsumda Evropaning ko'plab badavlat klublari e'tiborini tortdi. Martinesga da'vogarlardan biri "Manchester Yunayted".

“Yunayted” yaqinda 45 million evro taklif qilgandi, biroq "Ayaks" himoyachini 50 milliondan kamiga sotishga rozi bo'lmadi. The Athletic xabariga ko'ra, "Arsenal" kattaroq taklif bilan chiqishga tayyor. Muzokaralar shu hafta bo'lib o'tishi kerak.

O'tgan mavsumda futbolchi Niderlandiya chempionatida 24 ta o'yinda maydonga tushib, 1 ta gol urdi va 3 ta golli uzatmani amalga oshirdi.