Ronaldu uchun yana bir da'vogar klub paydo bo'ldi

"Manchester Yunayted" hujumchisi Krishtianu Ronaldu Portugaliyaga qaytishi mumkin.

Avvalroq, hujumchi ingliz klubi rahbariyatidan uni transferga qo'yishni talab qilgani haqida xabar berilgandi. Portugaliyalik futbolchi "Manchester Yunayted" tarkibni kuchaytirish borasida transfer bozorida hali o'zini ko'rsata olmaganidan norozi.

Football Insider xabariga ko'ra, Ronaldu uchun potentsial yangi klublardan biri "Portu" bo'lishi mumkin. Avvalroq portugaliyalik futbolchi "Yunayted"ning dushanba kuni bo'lib o'tgan mavsumoldi birinchi mashg'ulotiga kelmagani haqida ham ma'lumotlar tarqalgan edi.

O'tgan mavsumda futbolchi APLda 30ta o'yinda maydonga tushib, 18ta gol urdi va 3ta golga assistentlik qildi.