"Manchester Yunayted" yaqin soatlar ichida Eriksenning transferini e'lon qiladi

Insayder Fabritsio Romano “Manchester Yunayted” muxlislari uchun xushxabarni tarqatdi. Uning so'zlariga ko'ra, "qizil iblislar" daniyalik yarim himoyachi Kristian Eriksenning transferini yakunladi.

Bitimning rasmiy tasdig'i yaqin soatlarda e'lon qilinadi. Oldinroq Eriksen "mankunianliklar"ning iyul oyidagi beshta transfer maqsadidan biri ekani xabar qilingandi.

O'tgan mavsumning ikkinchi yarmida skandinaviyalik yarim himoyachi "Brentford" safida Angliya chempionatida o'ynadi. Kristian 11 ta uchrashuvda qatnashib, bitta gol kiritdi va to'rtta golli uzatmani amalga oshirdi.