Konte "Barselona" futbolchisini Londonga ko'chib o'tishga ko'ndirdi

Huquqlari Kataloniyaning "Barselona"ga tegishli bo'lgan himoyachi Kleman Lengle Tumanli Albionga ko'chib o'tishga yaqin turibdi. Frantsiyalik futbolchi Londonning "Tottenxem" klubiga o'tadi.

Diario Sport nashri xabariga ko'ra, transfer "shporlar" bosh murabbiyi Antonio Kontening aralashuvi evaziga amalga oshiriladi. Dastlab, Kleman Londonga ko'chib o'tishga qarshi edi, biroq italiyalik mutaxassis shaxsiy suhbat davomida futbolchini ishontirdi.

Yaqin kunlarda tomonlar bir mavsumlik ijara shartnomasini tuzadilar. Shu bilan birga, Lenglening maoshini Kataloniya klubi to'lashda davom etadi.